Filed under: 1, Linz from Gaza, Out of Gaza | Tags: gaza, Isalmic, Kareem Salama, Linz, OUtlandish, Sami, The Sound of Reason, UNI, Wembly
السلام عليكم
قبل ما ابدأ أتكلم عن شوية أشياء في بالي لازم أوجه شكر كبير على كلام حلو اتقال عن مدونتي فا شكرا جزيلا لعلوش…و هاى بوست بالعربي J
الناس اللي قرأت البوست تاعي عن “أول يوم في الجامعة” هههههههه كان أول يوم و من الواضح اني كنت هبلة جدا فالجامعة الاسلامية على الرغم من التعليم القوى فيها الا عليهم حركات بتخليك تكرها جدا أشياء صغيرة جدا جدا بقولها بعض المشرفات أو اللي بحاولوا يضبطوا الأمن و النظام و بعملوها بتخليك اتقول الإسلام مش هيك..
مع انه كلها أشياء ممكن انها اتكون غلط بس ما في ضرورة ايخلوك اتحس انك حشرة أو وحدة تتطلع فيك نظرات استحقار..
هية قصة صارت مع بنات مش معي لأني أنا عبيطة قالوا تلبيسوش عبايات بقول حاضر و بنفذ في بنات بتقولها للست اللي عل باب (بتراقب البنات اللي لبسين جلباب بس مش ملتزمين بقواعده) اه و تاني يوم بتجي برضو “مخالفة” أنا عادي مش هاى مشكلتي عادي أنا عندي الجلباب بالعكس لأنها جامعة اسلامية فمنطقي انو يكون الحجاب و الجلباب ضروري ….
امبارح كنت قاعدة جنب بنات كان مع بنت فيهم موبايل و كانوا بتفرجوا على اشي مش عارفة ايش هوا بس أكيد ايشي عادي…اجت “أخت” بكل ما عندها من طاقة سلبية طلعتها عل بنات عنيها كانت بتخوف أنا لو كنت مكان البنات كان روحت أعيط اطلعت فيهم بكل استحقار و قلتلهم “سكري الجوال…عا ايش بتتفرجوا؟” بس البنات كانوا زى المتعودين أو مش مهتمين قالولها طيب..و مشيت…
أنا قلت في نفسي ليش هيك؟ حتى لو على ايش كانوا بشوفوا كان ممكن اتكون لطيفة و كووول ما في داعي للنظرات المخيفة…هدا الموقف و أشياء تانية خلتني أكره الجامعة و كل يوم بروح و برجع و أنا قرفانة و خصوصي انو لسا ما عندي صحبات بس هاي مش مشكلة…
أصدقائي في الجامعة هوا موبايلي و شجرتي ..في عندي شجرة ما حد بقعد تحتها إلا أنا…من الساعة 1 لل 2 بكون عندي بريك و غالبا ما بلاقي حد أقعد معه فا بروح عل دكان اللي جنب الجامعة بشتري شبيس و كوكا كولا و بما انه الكولا بكل أنواعها الرديء و الجيد انقرض من غزة نتيجة للحصار و قرار حماس فا صرت اشتري “لبن أب” بطعم الخوخ و اللي كمان اشوى حينقرض برضو…الحياة تستمر بدون كوكاكولا!!
بعد ما أشتري السناك بروح تحت شجرتي بحط السماعات تعون الموبايل و بسمع الاربعة هدول:
Outlandish
The sound of reason
Sami Yusuf
Kareem Salama
و امبارح حملت فيديو كليبس أوتلاندش,هما هدول أصحابي في البريك.
و هى قصة الجامعة اللي صرت أكرها
هلأ دور الدلع أنا كتير بحب فرقة Outlandish و سامي يوسف و فرقةThe sound of reason و كريم سلامة و يوم الأحد كانوا كلهم تحت سقف واحد في لندن,الشهم اللي عندو احساس المحترم الرائع سامي يوسف كان عامل حفلة كبيرة طبعا بالتعاون مع جهات أخرى و الحفلة بروح ريعها لضحايا دارفور و كل الفنانين اللي بحبهم هناك. فا الرابعي “samolinjo” كان عامل جو من الحزن عشان من سابع المستحيلات انروح على بريطانيا و من سابع المستحيلات انهم هما يجوا على فرنسا و الأردن و جدة و أكيد غزة el Dreadful.
على الرغم من تافهة الموضوع بس و الله يوم الأحد كنت في غاية الحزن و لما صحباتي اللي في بريطانيا حكولي مين قابلوا كان و انو الحفلة كانت رائعة…حسرات…:(
هاي يمكن كانت اكتر حاجة غير ضرورية صادفتها في حياتي…و بس يعطيكو العافية….
The English edition is coming out tomorrow In Sha Allah 
11 Comments so far
Leave a comment
<a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>
Awwww Kareemo looks great hehe
Comment by Lalla Mona October 23, 2007 @ 4:47 pminshAllah one day I’ll see him performing live and I promise I’ll do the “oh yea” dance lool
مشكورة كتير، وبصراحة شعور رائع بقراءة التدوينة باللهجة الفلسطينية.
أنا أول سنة ما كان عندي رفقات بالجامعة، للسنة الثانية حتى صار عندي شلة أصدقاء روعة، ولحد الآن ما زلنا مع بعض، المهم أن تكوني ايجابية، ارفضي السلبية بكل ما فيها.
أنا أرفض الدول الدينية، فكيف بجامعة دينية، (رفضي لها ليس من رفضي للدين، لكن لاقتناعي أن الدين لله والوطن للجميع) لكن كون الواقع فرض عليك هذه الجامعة، اعتقد أنه من المستحسن التعامل مع الأشياء الصغيرة التي تكرهينها، بتجاهل، يعني لا تفكري كثيراً في هذه الأشياء، لأنك ستكرهين كل شيء يتعلق بالجامعة…
على قولة المثل، طنش ، تعش، تنتعش، هو ليس بحل، لكن المهم أن لا تجعلي الملل يتسلل إلى نفسك.
الله يصبرك، ويقويك.
وانشاء الله ينفك الحصار عن غزة يا رب…
Comment by Alloush October 23, 2007 @ 4:53 pmأنا بالعكس كنت فرحانة اني رايحة الجامعة الاسلامية لأني كنت متوقعة اني ألاقي ناس تساعدني على التدين أكتر لكن للأسف فوجئت انو في نموذج من المتدينين مش هيك..فا أنا قولت خليني أصير متدينة لحالي أحسنلي….
Comment by palilinz October 23, 2007 @ 5:54 pmشكرا عل تعليق
كوني درست بجامعة اسلامية (على اساس) بالإردن بإدر الك انه كلامك هاد ينطبق على الأشخاص يلي مفكرين حالهم مصطفين او انهم احسن من غيرهم
و بنسو انه من اهم القواعد للداعي او المرشد و المصلح هي الكلمة الطيبة و الإسلوب الحسن ,
قوله تعالى ” لو كنت فظا غليظ القلب لانفضو من حولك “ء
Comment by Qabbani October 23, 2007 @ 9:21 pmصح كلامك كتير…في منهم ناس عشانهم حافظين شوية قرآن أو ما “بسمعوا أغاني “” مهما كانت بحسوا حالهم انهم وصلو الدين كله و انو الواحد ازا بس سوى خكأ صغير خلص انت في النار هذا النموذج من المتدينين أبعد عن الدين أكتر ما يكون و انا ما بحب اسمعلهم لأنهم بكونوا شايفين حالهم :S
Comment by palilinz October 24, 2007 @ 4:32 amوالله أعلم
nooooo please mona HAHAHAHA although i didn’t see it .. but i’m afraid to :S HHHHHEHEHEE
anyways
that’s cool linz i lub ur post … and if u don’t have friends from 1-2 i’ll try to send u sms it that time
so u’ll not feel lonely xxxxxxx
lub u fwend and yeaaaaaaaah sunday night was cooool
))))
Comment by khadooj :) October 25, 2007 @ 10:55 amoh and about that girl :S … u know we have lots of thses ppl but i think they have to listen to Moez masoud ahaa he’ll teach them how to act as a REAL muslim
Comment by khadooj :) October 25, 2007 @ 10:56 am” لو كنت فظا غليظ القلب لانفضو من حولك “
ولك يسلم هل التم، كفيت ووفيت يا موفق.
Comment by Alloush October 25, 2007 @ 7:06 pmالسلام عليكم
Comment by صندوق October 27, 2007 @ 9:49 pmهذه مساوئ بسيطة جدا بالنسبة لجامعات أخرى كثيرة، قجامعتك الاسلامية في غزة أفضل الموجود.. وماشالله عليها، جامعات أخرى مثل الأزهر.. تغرق في الفشل من جميع النواحي.. في أول فصل دراسي لي فيها كان استاذ الانجليزي لا يصلح الامتحانات.. وفي سنة من السنين استاذ يهدد طالب بالرسوب علنا.. مناكفات كثيرة تحرش بالطالبات والكثير.. حتى الاستاذ المحترم يتعرض للإهانة من قبل بعض الطلاب.
احمدي الله كثيرا على جامعتك الاسلامية اللي بترفع الراس.. ولا بأس بقليل من الإزعاج من موظفات الأمن.
هيّة فعلا أحسن الموجود….!
Comment by palilinz October 27, 2007 @ 10:03 pmو أنا قلت انو التعليم فيها قوي…و الحمدلله على كل شىء
linz i have no comment , we talk about this alot and u know that i agreeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeee with u ya Allah er7mna
Comment by nesreen March 24, 2008 @ 6:11 am